تريكو شراب كعب الصفوف القصيرة

بالنسبة للمقاس ...الشراب مكون من تكرار 4 غرز

*المقاس المتوسط M

خيط طخين 24 غرزة

خيط متوسط 48 غرزة

خيط رفيع فى حدود 60 غرزة

*المقاس الكبير L

خيط طخين 28 غرزة

خيط متوسط52 غرزة

خيط رفيع 64 غرزة

*مقاسات الاطفال المتوسطة

الخيط الطخين 20

الخيط المتوسط 44 غرزة

الخيط الرفيع 56 غرزة

* مقاس الاطفال الصغير

خيط طخين 16 غرزة

خيط متوسط 32غرزة

خيط رفيع 48 غرزة

ازاى تعرفى انى مقاس مناسب ليكى لو لطفلك ....هتشتغلى عدد الغرز اللى انتى شايفه مناسب وتشتغلى اربع صفوف من غرزة الريب وتقيسى او تقيسيه لطفلك لو ضيق او واسع هتفكى وتزودى او تنقصى تكرار 4 ..

يعنى تطلعى او تنزلى بالمقاس

■الكعب :

هتقسمى الغرزاللى عندك بالنصف ...ثم تشتغلى الكعب الغرز الملفوفة ...هتقسمى على 3

ثلث الغرزة ملفوفة من جنب ...وثلث الغرز فى النصف عادية ..وثلث الغرز ملفوفة من الجنب الاخر

يعنى مثلا لو اشتغلتى 60 غرزة للشراب ...نصفهم 30 غرزة للكعب...... تشتغلى الغرز الملفوفة تقسمى على 3 .

10 غرز ملفوفة من جنب و10 غرز عادية فى النصف و10 غرز ملفوفة من الجنب الاخر

ياريت تركزوا فى الجزء ده عشان نسيت اشرحه فى الفيديو

■لو نصف عدد الغرز اللى عندك ميقبلش القسمة على 3 .....مثال: ......لو اشتغلتى 28 غرزة للشراب نصفهم 14 غرزة للكعب ...لو قسمتيهم على 3 هيطلع رقم بكسر 4.66..هتعملى ايه ؟

هتاخدى غرزة من الوش وتبقى مع الضهر يعنى بدل ما تقسمى عدد الغرز بالنصف هتقسمى كالاتى

15 غرزة للضهر و13 غرزة للوش بحيث يبقى عدد غرز ينفع يتقسم على 3

يبقى دلوقتى 15 على 3 ...يطلع 5

يبقى 5 غرز ملفوفة من جنب و5 غرز عادية فى النصف و5 غرز ملفوفة من الجنب الاخر

*مثال اخر عدد غرز الشراب 20 غرزة نصفهم 10ميقبلش القسمه على 3

هعدل التقسيمه هاخد غرزتين من الوش واضمهم للضهر يبقى ...12غرزة ضهر ...و8 غرز وش

كده 12 تقبل القسمة على 3 يبقى 4 ....4 غرز ملفوفة فى جنب و4 غرز عاديه فى النصف و4 غرز ملفوفة فى الجنب الاخر

*مثال اخر

و عدد الغرز 52 غرزة نصفهم 26 غرزة وده عدد لايقبل القسمة على 3 هعمل ايه هاخد غرزة واحدة من الوش واضمها للضهر .... التقسيمه هتبقى 27غرزة للضهر و25غرزة للوش.... رقم 27 يبقل القسمة على 3 يطلع 9

يبقى هشنغل 9 غرز ملفوفة على جنب و9 غرز عادية فى النصف و9 غرز ملفوفة من الجنب الاخر

●●يعنى مش لازم تقسمى عدد الغرز بالنصف بالظبط ..اهم شىء عدد غرز الضهر يقبل القسمة على 3 ●●

انتى محتاجه تبقى عارفه شوية حاجات قبل ما تبداى فى الفيديو

الغرزة العدلة والمقلوبة لازم تكونى مدربة عليها كويس

استخدام الابر الدائرية بطريقة الحلقه السحرية لازم تشوفى الفيديو بتاعها

لينكات الفيديوهات كلها حطها فى صندوق الوصف

استخدام الابر الدائرية والابر المدببة الطرفين فى التريكو

https://www.youtube.com/watch?v=AT9gd69jQlQ&list=PLNxckviyvQzMz27oYVLa02WCHluNSfibY

دروس تعليم التريكو للمبتدئين

https://www.youtube.com/watch?v=6KPT0Zps6Do&list=PLNxckviyvQzNGbwDjDBNHUnhQuo7vBac3

عمل كوفيات تريكو سهلة

https://www.youtube.com/watch?v=TiF3iqLtDuM&list=PLNxckviyvQzO4xVMdGwxBWuWHeNoZzv3t