تريكو طاقية بضفائر امامية خطوة خطوة للمبتدئين

بالنسبة للمقاس 

الطاقية مكونة من تكرار 8 غرز ......ازاى تحصلى على مقاس مناسب

تشتغلى غرزة الريب وصف الاول من الضفيرة وتقيسيها لو واسعه او ضيقة هتفكى وتنقصى او تزويدى 8 غرز

■عدد الغرز والمقاس بالخيط الطخين والابر الكبيرة 5 مللى 

المقاس المتوسط  هتشتغلى 64 غرزة - 

مقاس حريمى كبير   72 غرزة -

مقاس اصغر 56 غرزة -

الطول :
عدد الصفوف ...هتشتغلى 3 ضفائر مابينهم 10 صفوف عادية وبعد كده تبداى فى التنقيص

*اى مقاس اقل من كده لطفل مثلا  هتنقصى 8 غرز ....يبقى .... 56غرزة سطر البداية

هتشتغلى برده 3 ضفائر ومابينهم هتقللى عدد الصفوف على حسب الطول اللى انتى عايزه ممكن 7 صفوف او 6 صفوف او اقل 

*الاختلاف فى المقاس بالنسبة للاطفال يتوقف على  الطول (عدد  الصفوف)  لكن العرض ثابت اللى هو( عدد الغرز) ....كل اما يبقى  طفلك اكبر فى السن كل اما تزودى عدد الصفوف اللى مابين الضفائر

■لو هتستخدمى خيط رفيع وابرة مقاس 3 مللى  هتكررى التكرار اللى هو 8 غرز  .... 15 مرة  8×15

يطلع 120 غرزة سطر البداية ..هتشتغلى مابين كل ضفيرة 20 صف عادى بدل من 10 صفوف.... وطريقة التنقيص ثابته عادى 

■بالنسبة لمقاس الاطفال بالخيط الرفيع والابر 3 مللى ...هتكررى الضفيرة فى العرض 12 مرة يبقى 12×8

يطلع 96 غرزة سطر البداية وهتقللى برده عدد الصفوف بين الضقائر اقل من 20 على حسب الطول اللى عايزه ...هتقيسيها للطفل وتشوفى عايزه طولها قد ايه 

■ممكن تعملى الطاقية بابر مستقيمة لو معندكيش ابر دائرية ....هتشتغليها كقطعة مفرودة وتخيطيها فى الاخر من الجنب ....بس طبعا الباترن هيختلف شوية .....لانك هتشتغلى على الوش والضهر ...دى الاختلافات 

صف الضفيرة هيبقى دايما على الوش ...مابين كل صف ضفيرة فى صفوف عادية هتشتغلى صف على الوش وصف على الضهر ...الوش زى ما فى الفيديو الضهر هتشتغلى الغرز زى ماهى ...يعنى تقرأ الغرز وتشتغليها زى ما قرتيها هتشتغلى صف وش صف ضهر  بالتبادل وهتنهى بصف ضهر عشان تبدأ فى صف الضفيرة على الوش ..طريقة التنقيص ثابته التنقيص دايما على الوش ...وفى صف عادى مابين كل صف تنقيص هتشتغليه على الضهر ..هتشتغلى الغرز زى ما هى 

استخدام الابر الدائرية بطريقة الحلقة السحرية 

https://www.youtube.com/watch?v=srQZ2b4TfXI

دروس تعليم التريكو للمبتدئين 

https://www.youtube.com/watch?v=6KPT0Zps6Do&list=PLNxckviyvQzNGbwDjDBNHUnhQuo7vBac3

عمل كوفيات  تريكو سهلة 

https://www.youtube.com/watch?v=TiF3iqLtDuM&list=PLNxckviyvQzO4xVMdGwxBWuWHeNoZzv3t

  انستجرام :

https://www.instagram.com/bluesky.na16/

فيسبوك:

https://www.facebook.com/%D9%82%D9%86%D8%A7%D8%A9-%D8%A8%D9%84%D9%88%D8%B3%D9%83%D8%A7%D9%89_bluesky-channel-523621524510731/