تريكو جونتى بضفائر خطوة خطوة __

تريكو جونتى بضفائر خطوة خطوة ___knitting mittens with cables

■■بالنسبة المقاس----- للخيط الطخين والابر الكبيرة

◆المقاس الكبير 28 غرزة ...

◆المقاس المتوسط 24 غرزة

◆المقاس الصغير 20 غرزة

------الخيط الرفيع وابر صغيرة مثلا 3مللى

◆المقاس الكبير 48 غرزة

◆المتوسط 44 غرزة

◆الصغير 40 غرزة

---ازاى تعرفى المقاس المناسب ...
هتشتغلى 4 صفوف من غرزة الريب وتقيسى الجونتى لو واسع او ضيق هتنزلى او تطلعى بالمقاس ---

ممكن تستخدمى الابر الدائرية بطريقة الحلقة السحرية فى الصباع لو معندكيش ابر مدببة الطرفين

■جزء النقشة ثابت للوش مهما اختلف عدد الغرز اللى هو 10 غرز...( 2مقلوبة + 6غرز عدلة للضفيرة + 2مقلوبة )

هتحطيهم دايما فى النصف.... وباقى عدد الغرز اللى عندك هتقسميهم على الجنبين غرز عدلة

■مثال :

*لو هتشتغلى 40 غرزة للخيط الرفيع مقاس صغير ....الوش هيبقى 20 غرزة هيبقى كالاتى

خمس غرز عدلة على جنب + ( 2مقلوبة +6غرز عدلة للضفيرة + 2مقلوبة )+ 5غرز عدلة الجنب الاخر

*مثال اخر ..44 غرزة مقاس متوسط ...نصفهم 22 للوش هتشتغلى كالاتى

ست غرز عدلة على جنب + ( 2مقلوبة +6غرز عدلة للضفيرة + 2مقلوبة )+ 6غرز عدلة على الجنب الاخر

*مثال اخر ...20 غرزة مقاس صغير نصفهم 10 غرز فقط للوش دول النقشة متبقاش حاجة تتحط للجنب هيبقوا

( اتنين مقلوبة +6غرز عدلة للضفيرة + اتنين مقلوبة )

■■■■ممكن تشتغلى الجونتى بابر مستقيمة تشتغليها كقطعة مستقيمه مفرودة وتخيطيها من الجنب ...بس الفكرة هتفتحى الجونت من اى ناحية؟...او هتخيطيها من اى ناحية ؟...هتفتحيه من عكس ناحية الصباع ...بحيث تبقى زيادات الصباع فى النصف سواء لليد اليمين او اليد الشمال ....هدى امثلة

•الجونتى اليمين مثلا هتحطى 24 غرزة سطر البداية وتقسمى الغرز كالاتى اول 12غرزة عندك للوش هتشتغلى فيهم الضفيرة ثم تانى 12 غرزة عندك للضهر اللى هى غرز عدلة فقط

•الجونتى الشمال هتقسميها اول 12 غرزة عندك للضهر غرز عدلة فقط ثم ثانى 12 غرزة عندك للوش للضفيرة

بكده يبقى زيادات الصباع فى النصف دايما سواء للجونتى اليمين او الشمال
يعنى مش ناحية الجزء اللى هيتخيط فى الاخر ...لا ...هيبقى مابين الوش والضهر فى النصف

زى ماقولت الجونتى اليمين هتعملى زيادات الصباع فى جزء الضهر اللى همن 12 غرزة كالاتى ...تبدا من اليمين الى الشمال هتسيبى غرزة تحطى ماركر تسيبى غرزة تحطى ماركر
والجونتى الشمال كالاتى ...تبدا من الشمال الى اليمين هتسيبى غرزة تحطى ماركر وتسيبى غرزة وتحطى ماركر

■الباترن هيبقى مختلف لانك هتشتغلى كقطعة مستقيمة على الوش والضهر

صف الضفيرة هيبقى دايما على الوش ثابت ...7صفوف هيبقوا بالترتيب صف ضهر ،وش ،ضهر،وش،ضهر،وش،ضهر

صف الوش عادى زى ما عملنا.... صف الضهر هتشتغلى الغرز زى ما هى..يعنى هتقريها وتشتغليها .زى ما قرتيها بالظبط

دروس تعليم التريكو للمبتدئين

https://www.youtube.com/watch?v=6KPT0Zps6Do&list=PLNxckviyvQzNGbwDjDBNHUnhQuo7vBac3

-تقفيل غرزة الريب بطريقة واسعة

https://www.youtube.com/watch?v=uyvQwrALYz0&list=PLNxckviyvQzNGbwDjDBNHUnhQuo7vBac3&index=22

سطر البداية الواسع German twisted cast on

https://www.youtube.com/watch?v=cFczlFihIo8&index=20&list=PLNxckviyvQzNGbwDjDBNHUnhQuo7vBac3

عمل كوفيات تريكو سهلة

https://www.youtube.com/watch?v=TiF3iqLtDuM&list=PLNxckviyvQzO4xVMdGwxBWuWHeNoZzv3t

تريكو طاقية خطوة خطوة للمبتدئين