تريكو نقشة قرون الغزال وطريقة عمل طاقية بيها knitting stag horn cables

هنتعلم فى الفيديو ده  نقشة تريكو جديدة اسمها
  staghorn cables

مكونة من ضفاير امامية وخلفية 

■النقشة مكونة من  16 غرزة + 6 صفوف
كقطعة مستقيمة هتبقى الصفوف الفردية على الوش غرز عدلة وفيها الضفاير
والصفوف الزوجية على الضهر هتبقى غرز مقلوبة 

الصف الاول (وجه ): 4غرز عدلة + ضفيرة خلفية مكونة من 4غرز عدلة + ضفيرة امامية مكونة من 4 غرز عدلة + 4 غرز عدلة 

الصف الثانى (ضهر):غرز مقلوبة 

الصف الثالث (وجه ): 2غرزة عدلة +ضفيرة خلفية مكونة من 4غرز + 4غرز عدلة +ضفيرة امامية مكونة من 4غرز عدلة + 2غرزة عدلة 

الصف الرابع (ضهر): غرز مقلوبة 

الصف الخامس (وجه ): ضفيرة خلفية مكونة من 4 غرز عدلة + 8غرز عدلة +ضفيرة امامية مكونة من 4غرز عدلة 

الصف السادس (ضهر): غرز مقلوبة 

■لو هنشتغل قطعة دائرية ...هنشتغل على الوجه فقط كل الصفوف  .....الاختلاف فى الصف الثانى والرابع والسادس هيبقوا غرز عدلة  على الوجه  بدل  غرز مقلوبة على الضهر

الباترن بتاع الطاقية الحمراء بالنقشة  
انا هعمل الطاقية بالابر الدائرية بطريقة الحلقة السحرية لو عايزه تعمليها بالابر المستقيمة تابع الشرح للاخر هشرح الاختلاف 

بالنسبة لعرض الطاقية اللى هو عدد الغرز فى سطر البداية هيبقى فى3 مقاسات.. مقاس للكبار ومقاسين للاطفال 

وبالنسبة للطول ..انتى اللى هتحدديه ...بتكررى 6 صفوف بتوع النقشة لحد الطول اللى انتى عايزه للطاقية هتقسيها او تقيسيها لطفلك وتشوفى عايزه   طولها قد ايه 

يعنى لو هتعمليها لطفل.. كل اما يكون سنه اكبر كل ماهتكررى الست صفوف اكثر 

المقاس للكبار ..... بخيط رفيع وابرة مقاس 3.5 مللى 

 ... غرزة 126 لسطر البداية ....هتكررى النقشة واتنين غرزة مقلوبة ...سبع مرات 

 غرزة16  للنقشة + 2غرزة مقلوبة =18 غرزة ده التكرار بتاعنا 

هنكرره سبع مرات يبقى ..126 غرزة لسطر البداية 

18×7= 126 

المقاس للاطفال ...بخيط رفيع وابرة مقاس 3.5 مللى 

 المقاس الكبير للاطفال هيبقى 108 غرزة..لسطر البداية
هنا كررنا التكرار 6مرات اللى هو 16 غرزة للنقشة واتنين غرزة مقلوبة =18 غرزة التكرار يعنى
18×6=108
المقاس الصغير للاطفال 90 غرزة لسطر البداية
هنا كررنا التكرار 5 مرات يعنى
18×5=90

الباترن نفسه لاى مقاس من دول 
هتشتغلى بالابر الدائرية  بطريقة الحلقة السحرية ده الفيديو 

هتشتغلى 20 صف من غرزة الريب 1×1...غرزة عدلة غرزة مقلوبة 

ثم تشتغلى النقشة هتحطى ماركر كل 18 غرزة عشان تعلمى كل نقشة لوحدها وتكررى 6 صفوف لحد الطول اللى انتى عايزه للطاقية هتقسيها وتشوفى 

■ثم جزء التنقيص ...هشرح دلوقتى طريقة التنقيص فى تكرار واحد فقط اللى هو 18 .وانتى هتعمليه فى  التكرار اللى عندك على حسب عامله كام تكرار سواء 5او 6او 7

...هتشتغلى صف تنقيص وصف عادى غرز عدلة 

هنقص فى 16 غرزة عدلة بتوع النقشة والاتنين غرزة مقلوبة مش هنقص فيهم 

*صفوف التنقيص..فى 16 غرزة بتوع النقشة فقط 

الصف الاول *-هنشتغل اربع غرز +ننقص غرزة + 4غرز عدلة +ننقص غرزة + 4غرز عدلة 

الصف التانى ..غرزة عدلة فقط 

الصف الثالث *2غرزة عدلة + ننقص غرزة + 2غرزة عدلة + ننقص غرزة + 2غرزة عدلة +ننقص غرزة + 2غرزة عدلة 

الصف الرابع ..غرز عدلة 

الصف الخامس ..2غرزة عدلة + ننقص غرزة + 2غرزة عدلة +ننقص غرزة + 3غرز عدلة 

الصف السادس ..غرز عدلة 

الصف السابع ...غرزة عدلة +ننقص غرزة +غرزة عدلة + ننقص غرزة +غرزة عدلة +ننقص غرزة 

الصف الثامن ...غرز عدلة 

الصف التاسع ...غرزة عدلة+ ننقص غرزة +غرزة عدلة +ننقص غرزة 

الصف العاشر ...غرز عدلة

الصف الحادى عشر والاخير ...ننقص غرزة +ننقص غرزة 

كده عندك 2 غرزة عدلة و2 غرزة مقلوبة فقط فى التكرار مابين كل ماركر ...يعنى حولنا 18 غرزة الى 4 غرز فقط

وانتى المفروض عامله سبع تكرار للنقشة فى الطافية 

4 ×7=28 

28 غرزة هتنقليهم الى خيط جديد بابرة التنظيف كانهم حلقة وتقفليهم بعقدة كده تكونى خلصتى الطاقية 

تشتغلى الطاقية بابر مستقيمة كقطعة مفرودة وتخيطيها من الجنب فى الاخر ■
هتشتغلى على الوش والضهر نفس الباترن عادى من اول سطر البداية وغرزة الريب
وتكرار النقشة ..طبعا هتستخدمى الباترن بتاع القطعة المستقيمة صف على الوش غرز عدلة وفيها الضفاير  وصف على الضهر غرز مقلوبة
والاتنين غرزة مقلوبة اللى بعد 16 غرزة بتوع النقشة هتشتغليهم على الضهر غرزتين عدلين ...يعنى صف الوش هيبقى عادى زى الباترن ما مكتوب صف الضهر هتشتغلى الغرز زى ماهى...تقرى الغرزة وتشتغليها زى ماقرتيها ...
بالنسبة للتنقيص هيبقى ثابت برده ...هيبقى على الوش فقط ومابين كل صف تنقيص هتشتغلى صف على الضهر ..هتشتغلى فيه الغرز زى ماهى هتقريها زى ما قولت
فى الاخر هتخيطى الطاقية من الجنب

دروس تعليم التريكو للمبتدئين 

https://www.youtube.com/watch?v=6KPT0Zps6Do&list=PLNxckviyvQzNGbwDjDBNHUnhQuo7vBac3

تريكو طاقية خطوة خطوة للمبتدئين 

https://www.youtube.com/playlist?list=PLNxckviyvQzO8Kz61aOjVOJMs5_H0Di-V

انستجرام :

https://www.instagram.com/bluesky.na16/

فيسبوك:

https://www.facebook.com/%D9%82%D9%86%D8%A7%D8%A9-%D8%A8%D9%84%D9%88%D8%B3%D9%83%D8%A7%D9%89_bluesky-channel-523621524510731/