تريكو طاقية الدايموند من تصميم قناة بلوسكاى__knitting diamond hat by bluesky channel

ده هيبقى باترن لطاقية الدايموند ..الباترن انا اللى مصممها ...والنسخة لسه بتتعدل ارجو ان محدش ينسخ الباترن.. .لان دى حقوق ملكية وانا تعبت كتير عشان احاول  اظبطه ..ممكن تشيروا اللينك نفسه عادى  من الموقع هنا
 وان شاء تستفيدوا منه 

الحاجات اللى استخدمتها هى ابرة دائرية مقاس خمسة مللى وخيط طخين اليز 

Alize superlana maxi

لو انتى مبتدأ يفضل تدربى على النقشة الاول قبل ما تعمليها فى طاقية 

المفروض الباترن ده هيبقى ثقيل شوية  للمبتدئين ...انا منزله كذا فيديو لطواقى اسهل للمبتدئين ممكن تحاولى تعمليها الاول 

المقاس هيبقى ...مقاس حريمى او شبابى فقط

ان شاء الله مع الوقت هحاول انزل مقاس اطفال

عدد الغرز لسطر البداية ..

68 غرزة 

هتشتغلى طريقة سطر البداية الالمانى وده الفيديو بتاعه عشان تبقى واسعة

هتشغلى نقشتين ...نقشة الضفيرة المزدوجة ثلاثة مرات بالتبادل مع نقشة ضفائر الدايموند  ثلاثة مرات 

مابين كل نقشة والتانية هتحطى اثنين غرزة مقلوبة يعنى مثلا

  نقشة ضفائر الدايموند عبارة عن 

11 غرزة 

يبقى 

11+2=13 غرزة 

نقشة الضفيرة المزدوجة عبارة عن ثمانية غرز يبقى 

8+2=10 غرز 

 ...

لازم تبقى عارفه كل نقشة بتتعمل ازاى وده الفيديوهات بتاعتهم 

يفضل تتدربى عليهم الاول وتعرفى متكونين من كام غرزة وكام صف 

لان هنا انا هشرح ازاى تقسمى الغرز وطريقة التنقيص فقط 

هنشتغل عدد الغرز بسطر البداية الالمانى بطريقة الحلقة السحرية بالابر الدائرية وفى الفيديو ده بيوضح الطريقة 

نشتغل غرزة الريب ...غرزة عدلة غرزة مقلوبة لحد الاخر لمدة ثمانية  صفوف 

اخر صف فى غرزة الريب هنزود غرزة فى اى مكان ..سواء عدلة او مقلوبة مش هتفرق اهم شئ قبل بداية النقشة يعنى هيبقى عندنا 

69 غرزة 

هنبدأ نقسم الغرز ونحطر ماركر ....

اول عشر غرزهيمثلوا نقشة الضفيرة المزدوجة واتنين غرزة مقلوبة وراها

8+2=10

 ..ثم 

13 غرزة 

11+2=13

يمثلوا نقشة ضفائر الدايموند ومعها اتنين غرزة مقلوبة ...ثم 

عشر غرز تمثل نقشة الضفيرة المزدوجة واثنين غرزة مقلوبة ..ثم 

13 غرزة 

تمثل ضفيرة الدايموند واتنين غرزة مقلوبة وراها ...ثم 

عشر غرز نقشة الضفيرة المزدوجة واتنين غرزة مقلوبة ..ثم 

13 غرزة 

تمثل نقشة ضفيرة الدايموند ومعها اتنين غرزة مقلوبة  

مابين كل جزء هتحطى ماركر 

10،13،10،13،10،13 

هتشتغلى النقشة عادى زى ما وضحت فى الفيديو بس كانها قطعة دائرية مش مستقيمة 

الاختلاف هيبقى فى الصفوف الزوجية فقط هتشتغليها على الوش هتقرى الغرز وتشتغليها زى ماهى الغرزة العدلة عدلة والمقلوبة مقلوبة 

بالنسبة للطول 

انا كررت نقشة الضفيرة المزدوجة  ست مرات ..ثم اشتغلت التنقيص 

ونقشة ضفائر الدايموند كررتها مرتين فقط ...ثم بدات فى التنقيص فى ثالث مرة 

كل نقشة هتشتغليها لوحدها 

بالتسبة للتنقيص 

هنعيد توزيع الماركر ...نقشة الضفيرة المزدوجة هتبقى ثمانية غرز فقط ونحط الماركر وراها على طول ونضيف الاتنين غرزة مقلوبة ل نقشة ضفائر الدايموند يعنى هيبقى عندى 

13+2=15 

8,15,8,15,8,15 

يعنى نقشة ضفاير الدايموند اللى هى 

11 غرزة 

هيبقى حواليها اتنين غرزة مقلوبة من الطرفين 

2+11+2=15 غرزة 

نبدأ التنقيص بنقشة الضفيرة المزدوجة  

هيبقى فى النقشة نفسها اللى همن ثمانية غرز  

  بعد اخر صف من التكرار السادس  

 غرز عدلة ثم تبدأى تنقصى صف تنقيص وصف عادى غرز عدلة  هنشتغل صف 

هتشتغلى غرزتين وتنقصى غرزة ثم غرزتين عدلين وتنقصى غرزة عدلة 

عندك ست غرز هتشتغلى صف عادى ثم الصف اللى بعده ننقص بنفس الطريقة 

غرزتين عدلين ثم ننقص غرزة ثم غرزتين عدلين ...عندنا كده خمس غرز هتشتغل صف عادى ونرجع ننقص ثانى 

غرزتين ثم ننقص غرزة ثم غرزة واحدة عدلة ..كده عندنا اربع غرز فقط ..نشتغل صف عادة ونرجع ننقص فى الصف اللى بعده 

نشتغل كل غرزتين مع بعض ..كده اتبقى غرزتين فقط من النقشة بعد ما كانوا ثمانية غرز 

بالنسبة لتنقيص ضفائر الدايموند..مكونة من 

11 غرزة

زى ما قولت فى التنقيص هدخل معهم الاتنين غرزة مقلوبة اللى قبلها بتوع غرزة الضفيرة المزدوجة والاتنين غرزة مقلوبة اللى بعدها يعنى العدد هيبقى 

11+2+2=15 غرزة 

.....

التنقيص هيبقى فى صفوف النقشة نفسها الصفوف الفردية ...الصفوف الزوجية بنشتغلها زى ماهى

 نقرا الغرز ونشتغلها زى ما قرتيها الغرزة العدلة عدلة والمقلوبة مقلوبة 

•

•الصف (1) 

اتنين غرزة مقلوبة  ثم ننقص غرزة مفلوبة +نشتغل  غرز مقلوبة + ضفيرة امامية مكونة من خمس  غرزة غرز مقلوبة+ننقص غرزة مقلوبة +نشتغل غرزة مقلوبة ثم اتنين غرزة مقلوبة 

•الصف (3)

:  اتتين غرزة مقلوبة ثم نقص غرزة مقلوبة +ضفيرة خلفية مكونة من  ثلاثة غرز + غرزة عدلة +ضفيرة امامية مكونة من ثلاثة غرز ثم ننقص غرزة مقلوبة ثم اتنين غرزة مقلوبة 

•الصف  (5)

:ننقص غرزة مقلوبة ثم ضفيرة خلفية مكونة من ثلاثة  غرز + غرزة عدلة+غرزة مقلوبة +غرزة عدلة +ضفيرة امامية مكونة من ثلاثة  غرز ثم ننقص غرزة مقلوبة  

•الصف7)

:غرزة مقلوبة ثم ضفيرة امامية مكونة من ثلاثة غرز +غرزة مقلوبة +غرزة عدلة +غرزة مقلوبة

ثم غرزة مقلوبة  ضفيرة خلفية مكونة من  ثلاثة غرز

•الصف 9):

من ثلاثة غرز ثم ننقص غرزة مقلوبة  ننقص غرزة مقلوبة +ضفيرة امامية مكونة من ثلاثة غرز +غرزة مقلوبة +ضفيرة خلفية مكونة

الصف العاشر ...عندك تسع غرز ... 

هتشتغلى اتنين غرزة مقلوبة ثم ننقص غرزة عدلة  ثم غرزة عدلة ثم ننقص غرزة عدلة ثم نشتغل اتنين غرزة مقلوبة 

نشتغل صف عادى ثم الصف اللى بعده 

نشتغل اتنين غرزة مقلوبة ثم وننقص غرزة عدلة ثم غرزة عدلة ثم اتنين غرزة مقلوبة 

كده عندك اتنين غرزة مقلوبة واتنين غرزة عدلة واتنين غرزة مقلوبة ...كده خلصنا التنقيص لضفاير الدايموند 

و نقشة الضفيرة المزدوجة نقصناها من ثمانية غرزة لحد اتنين غرزة عدلة فقط

  

هيبتبقى عندك 24 غرزة عبارة عن 

 تكرار اتنين غرزة مقلوبة واتنين غرزة عدلة فى الطاقية كلها ...هتشتغلى صف كل غرزتين مع بعض ..يعنى ننقص غرزة عدلة ثم ننقص غرزة مقلوبة وهكذا لحد الاخر هيتبقى عندك 

12 غرزة ...

هتيجيب ابرة تنضيف ونفس الخيط وتنقليهم عليها وتربطيهم عادى 

وبكده نكون خلصنا الطاقية 

لو فى اى اخطاء فى الباترن ..اكتبوا فى كومنتات هنا او فى

اليوتيوب وهراجعها ان شاء الله